Gernika-Lumoko Euskara Zerbitzua

Gernika-Lumoko AHOTSAK

Bertoko 80 urte inguruko 72 lekukoren bizipenen kontuak grabatu, digitalizatu eta interneten ikusgai/entzungai dira

Albisteak

Albisteak �
BESTE BI UNITATE DIDAKTIKO ARGITARATU DIRA

BESTE BI UNITATE DIDAKTIKO ARGITARATU DIRA

2012-03-06

ERTAROARI BURUZKO BESTE BI UNITATE DIDAKTIKO ARGITARATU DITU GERNIKA-LUMOKO EUSKARA SAILAK, GERNIKAZARRA HISTORIA TALDEAREKIN SINATURIKO HITZARMENA BITARTEKO.

Argitaratuak izan ziren 2009an lehenengo biak, 2010ean 3.a eta 4.a, eta oraingoan, 2011koak kaleratu ditu Euskara Sailak (5.a, “Gizarte Egituraketa ertaroan”, eta 6.a, “Egituraketa politikoa ertaroan”).

Hemen daude eskuragarria:

Gernikazarra Historia Taldeak eta Gernika-Lumoko Udaleko Euskara Sailak hitzarmena sinatzea adostu zuten 2009an, bi urteko epean zortzi unitate didaktiko taxutu eta lau urteko epean guztiak argitaratzeko konpromisoarekin,. Unitate didaktikoak taxutzeak 4.000 €ko kostua izan du eta, horrez gain, Udalak urtero bi unitate didaktiko argitaratzeko haina diru partida aurreikusi izan du.

Ez da oraingoa Gernika-Lumoko Udala eta Gernikazarra Historia Taldea elkarlanean aritzeko adostasuna. Hona hemen Euskara Zerbitzuarekin elkarlanean argitara emandakoak: "Gernika-Lumo, kalerik-kale" (2003, toponimia urbanoa) eta "Errenteria auzoko historia liburua (2004/2005).

2003-2008 eperako Euskara Biziberritzeko Plan Estrategikoari jarraiki, Gernika-Lumoko Udalak 2009-2012 eperako Plan berria onartu zuen 2008ko abenduan. Hori horrela, 2009 urterako Kudeaketa Planean jorratu beharreko esparruetako bat liburugintza dugu, euskara elikatzeko helburuarekin lotuta, eta aintzat hartutako ekintzetako bat udalerriko ohitura, historia eta gertaerei buruzko argitalpen-bilduma gorpuztea dago. Sinatutako hitzarmena bitarteko 8 unitate didaktiko taxutu dira:

1.- “Herri sinesmenak eta ohiturak (ertaroko gizon eta emakumeen pentsamoldearen isla)”.
2.- “Kokapen geografikoa – Ingurua”.
3.- “Gernikako Hiriaren sorrera eta bere bilakaera ertaroan”.
4.- “Erret-Bideak, galtzadak eta Garraiobideak ertaroan”.
5.- “Gizarte Egituraketa ertaroan”.
6.- “Egituraketa politikoa ertaroan”.
7.- “Ekonomia egituraketa ertaroan”.
8.- “Artea eta eraikin esanguratsuak (erromanikoa, gotikoa, herri arkitektura,…) ertaroan”. Argitaratuak izan dira 2009an lehenengo biak, 2010ean 3.a eta 4.a, eta oraingoan, 2011koak kaleratzen ditugu (5.a, “Gizarte Egituraketa ertaroan”, eta 6.a, “Egituraketa politikoa ertaroan”). Sortu den materiala irakaskuntza mundura zuzenduta dago eta DBHko ikasleei batik bat, beti ere zentro bakoitzak bere dinamikan txertatzeko askatasun osoa errespetatuz. Dena dela, edonorentzat baliagarriak izango dira argitalpen horiek, gure udalerriko ertaroko historia, usadio eta abarretaz jakitun egoteko.