Albisteak

EUSKARALDIA 2020 GERNIKA-LUMON

2020-03-13

Gernika-Lumoko 97 entitatek eman dute izena Euskaraldirako, gizarte esparru ezberdinetakoak, eta entitate bakoitzean ariguneak izendatu dira, euskaraz aritu eta funtzionatzeko guneak. Hona hemen banaketa sektoreka:

- Irakaskuntza:  10

- Euskalgintza:  4

- Erakunde publikoak: 7

- Lan mundua / Enpresak:  17

- Lan mundua / Merkataritza, ostalaritza eta zerbitzuak:  48

- Kirol Elkarteak: 6

- Kultur Elkarteak:  5

Bestalde, izena eman duten partikularrak 2.600etik gora izan dira, lehenengo edizioan baino zerbait gutxiago, baina kontuan hartuta ordukoan inguruko herri batzuek ez zutela izenik eman eta horietako herritarrek Gernika-Lumora jo zutela izena emateko. Oraingoan, ostera, herri txikiek zuzenean parte hartu dute.

Euskaraldiaren inguruan, eta abenduaren 3an izaten den Euskararen Egunarekin lotuta, egitarau berezia antolatu da gizarte eragile ezberdinen ekarpenekin.

2019-2022 EPERAKO PLAN ESTRATEGIKO BERRIA

2018-04-04

Joan jaku 2014-2018 epeko Plan Estrategikoa eta 2019-2022 eperako Plan Estrategiko berria moldatzeari ekin deutsagu 2018an zehar.

Horretarako, PARTAIDETZA prozesu irekia ipini zen martxan Euskara Batzordearen bitartez eta eskaparate hau eratu dugu informazioa eskaintzeko.

Lan hori borobiltzeko oinarriak eta emandako URRATSAK jarraian islatzen dira:

- 2014-2018 epeko Plan Estrategikoaren balantzea (txostena, aurrera jotzeko oinarria).

- Plan Berria (ESEP) eratzeko partaidetza prozesua (txostena).

- Emaitzak/ekarpenak Bost batzar edo saio egin dira, tailer modukoak, egoeraren hausnarketa egin eta arlo bakoitzerako proposamenak egiteko

- 2019-2022 eperako Plan Estrategikoa (ESEP)/proposamena: dinamizazio saioetan jasotako ekarpen guztiekin moldatu zen ESEP barria (Euskara Sustatzeko Ekintza Plana).

- ESEP barriaren aurkezpena egiteko, Euskera Batzordeak 2019ko urtarrilaren 31n izan eban batzarra, batzrodekide eta interesdun guztiei gonbitea eginda.

Jorra tokiak

• Familia
• Hezkuntza
• Lan mundua eta elkarteak
• Alfabetatze euskalduntzea
• Aisialdia

Gehiago ikusi